gajalofmirzaghalib

Aah Ko Chahiye Ek Umar Asar Hote Tak

Aah ko chāhiye ik umr asar hote tak

Kaun jiitā hai tirī zulf ke sar hote tak

 
Dām-e-har-mauj meñ hai halqa-e-sad-kām-e-nahañg
Dekheñ kyā guzre hai qatre pe guhar hote tak
 
Ashiqī sabr-talab aur tamannā betāb
Dil kā kyā rañg karūñ ḳhūn-e-jigar hote tak
 
Ham ne maanā ki taġhāful na karoge lekin
Khaak ho jā.eñge ham tum ko ḳhabar hote tak
 

Partav-e-ḳhur se hai shabnam ko fanā kī ta.alīm

Maiñ bhī huuñ ek ināyat kī nazar hote tak

 

Yak nazar besh nahīñ fursat-e-hastī ġhāfil

Garmī-e-bazm hai ik raqs-e-sharar hote tak

 

Gham-e-hastī kā ‘asad’ kis se ho juz marg ilaaj

Sham.a har rañg meñ jaltī hai sahar hote tak,,

  • Article By :
    Real Shayari Ek Koshish hai Duniya ke tamaan shayar ko ek jagah laane ki.

Random Posts

Leave a Reply

Your email address will not be published. Required fields are marked *

*
*