realshayari

Gar Na Andoh-E-Shab-E-Furqat Bayan Ho Jaega

Gar na andoh-e-shab-e-furqat bayāñ ho jāegā

Be-takalluf dāġh-e-mah mohr-e-dahāñ ho jāegā

Zohra gar aisā hī shām-e-hijr meñ hotā hai aab

Partav-e-mahtāb sail-e-ḳhānumāñ ho jāegā

 

Le to luuñ sote meñ us ke paañv kā bosa magar

Aisī bātoñ se vo kāfir bad-gumāñ ho jāegā

Dil ko ham sarf-e-vafā samjhe the kyā ma.alūm thā

Ya.anī ye pahle hī nazr-e-imtihāñ ho jāegā

Sab ke dil meñ hai jagah terī jo tū raazī huā

Mujh pe goyā ik zamāna mehrbāñ ho jāegā

 

Gar nigāh-e-garm farmātī rahī tālīm-e-zabt

Sho.ala ḳhas meñ jaise ḳhuuñ rag meñ nihāñ ho jāegā

Baaġh meñ mujh ko na le jā varna mere haal par

Har gul-e-tar ek chashm-e-ḳhūñ-fishāñ ho jāegā

 

Vaa.e! gar merā tirā insāf mahshar meñ na ho

Ab talak to ye tavaqqo.a hai ki vaañ ho jāegā

Fā.eda kyā soch āḳhir tū bhī daanā hai ‘Asad’

Dostī nādāñ kī hai jī kā ziyāñ ho jāegā…

  • Article By :
    Real Shayari Ek Koshish hai Duniya ke tamaan shayar ko ek jagah laane ki.

Random Posts

Leave a Reply

Your email address will not be published. Required fields are marked *

*
*