intihā hone se pehle soch le
bevafā hone se pehle soch le
bandagī mujh ko to raas aa jāegī
tū ḳhudā hone se pehle soch le
kāsa-e-himmat na ḳhālī ho kabhī
tū gadā hone se pehle soch le
ye mohabbat umr bhar kā rog hai
mubtalā hone se pehle soch le
bach rahe kuchh tere mere darmiyāñ
fāsla hone se pehle soch le
zindagī ik saaz hai lekin ‘kañval’
be-sadā hone se pehle soch le
intiha hone se pehle soch le
Also Read – Honthon pe kabhi un ke mera nam hi aaye | Real Shayari
Read More – Real Shayari | Asli Shayari | Sher | Shayar | Ghazal | Nazm
Browse more content – http://www.needtricks.com
Follow us – https://www.instagram.com/realshayari_/