gajal2

Aankhon Se Haya Tapke Hai Andaz To Dekho

Añkhoñ se hayā Tapke hai andāz to dekho

Hai bul-havasoñ par bhī sitam naaz to dekho

Us but ke liye maiñ havas-e-hūr se guzrā

Is ishq-e-ḳhush-anjām kā āġhāz to dekho

Chashmak mirī vahshat pe hai kyā hazrat-e-nāseh

Tarz-e-nigah-e-chashm-e-fusūñ-sāz to dekho

Arbāb-e-havas haar ke bhī jaan pe khele

Kam-tāla.i-e-āshiq-e-jāñ-bāz to dekho

Majlis meñ mire zikr ke aate hī uThe vo

Badnāmi-e-ushshāq kā e.azāz to dekho

Mahfil meñ tum aġhyār ko duz-dīda nazar se

Manzūr hai pinhāñ na rahe raaz to dekho

Us ġhairat-e-nāhīd kī har taan hai dīpak

Sho.ala sā lapak jaa.e hai āvāz to dekho

Deñ pāki-e-dāman kī gavāhī mire aañsū

Us yūsuf-e-bedard kā e.ajāz to dekho

Jannat meñ bhī ‘momin’ na milā haa.e butoñ se

Jaur-e-ajal-e-tafraqa-pardāz to dekho….

  • Article By :
    Real Shayari Ek Koshish hai Duniya ke tamaan shayar ko ek jagah laane ki.

Random Posts

Leave a Reply

Your email address will not be published. Required fields are marked *

*
*