realshayari.com

Dar-Khur-E-Qahr-O-Ghazab Jab Koi Hum Sa Na Hua

Dar-ḳhūr-e-Qahr-o-Ghazab jab koī ham sā na huā

Phir ġhalat kyā hai ki ham sā koī paidā na huā

Bandagī meñ bhī vo Azāda o ḳhud-bīñ haiñ ki ham

UlTe phir aae dar-e-kāba agar vā na huā

Sab ko Maqbūl hai daavā tirī yaktā.ī kā

Rū-ba-rū koī but-e-ā.ina-sīmā na huā

Kam nahīñ Nāzish-e-Hamnāmi-e-Chashm-e-Khūbāñ

Terā bīmār burā kyā hai gar achchhā na huā

Siine kā daaġh hai vo naala ki lab tak na gayā

Khaak kā rizq hai vo qatra ki dariyā na huā

Naam kā mere hai jo dukh ki kisī ko na milā

Kaam meñ mere hai jo fitna ki barpā na huā

Har-bun-e-mū se dam-e-zikr na Tapke Khuñ naab

Hamza kā qissa huā ishq kā charchā na huā

Qatra meñ dajla dikhā.ī na de aur juzv meñ kul

Khel ladkoñ kā huā dīda-e-bīnā na huā

Thī ḳhabar garm ki ‘Ghālib’ ke Udeñge purze

Dekhne ham bhī ga.e the pa tamāshā na huā

  • Article By :
    Real Shayari Ek Koshish hai Duniya ke tamaan shayar ko ek jagah laane ki.

Random Posts

Leave a Reply

Your email address will not be published. Required fields are marked *

*
*