realshayari

Dhamki Mein Mar Gaya Jo Na Bab-E-Nabard Tha

Dhamkī meñ mar gayā jo na bāb-e-Nabard thā

Ishq-e-nabard-pesha Talabgār-e-mard thā

Thā zindagī meñ marg kā khatkā lagā huā

Udne se pesh-tar bhī mirā rañg Zard thā

Tālīf nusḳha-hā-e-vafā kar rahā thā maiñ

Majmūa-e-ḳhayāl abhī fard fard thā

Dil tā jigar ki sāhil-e-dariyā-e-ḳhūñ hai ab

Is rahguzar meñ jalva-e-gul aage gard thā

Jaatī hai koī kashmakash andoh-e-Ishq kī

Dil bhī agar gayā to vahī dil kā dard thā

ahbāb chārasāzi-e-vahshat na kar sake

Zindāñ meñ bhī ḳhayāl bayābāñ-navard thā

Ye lāsh-e-be-kafan ‘asad’-e-Khasta-jāñ kī hai

Haq maġhfirat kare ajab āzād mard thā….

  • Article By :
    Real Shayari Ek Koshish hai Duniya ke tamaan shayar ko ek jagah laane ki.

Random Posts

Leave a Reply

Your email address will not be published. Required fields are marked *

*
*