Ahmad Faraz

Dil-Girafta Hi Sahi Bazm Saja Li Jae

Dil-girafta hī sahī bazm sajā lī jaa.e

Yād-e-jānāñ se koī shaam na ḳhālī jaa.e

Rafta rafta yahī zindāñ meñ badal jaate haiñ

Ab kisī shahr kī buniyād na Daalī jaa.e

Mus.haf-e-ruḳh hai kisī kā ki bayāz-e-hāfiz

Aise chehre se kabhī faal nikālī jaa.e

Vo muravvat se milā hai to jhukā duuñ gardan

Mere dushman kā koī vaar na ḳhālī jaa.e

Be-navā shahr kā saaya hai mire dil pe ‘Farāz’

Kis tarah se mirī āshufta-ḳhayālī jaa.e

  • Article By :
    Real Shayari Ek Koshish hai Duniya ke tamaan shayar ko ek jagah laane ki.

Random Posts

Leave a Reply

Your email address will not be published. Required fields are marked *

*
*