Ahmad faraz

Dost Ban Kar Bhi Nahin Sath Nibhane Wala

 


 

dost ban kar bhī nahīñ saath nibhāne vaalā

vahī andāz hai zālim zamāne vaalā

ab use log samajhte haiñ giraftār mirā

saḳht nādim hai mujhe daam meñ laane vaalā

sub.h-dam chhoḌ gayā nik.hat-e-gul sūrat

raat ko ġhuncha-e-dil meñ simaT aane vaalā

kyā kaheñ kitne marāsim the hamāre us se

vo jo ik shaḳhs hai muñh pher ke jaane vaalā

tere hote hue aa jaatī thī saarī duniyā

aaj tanhā huuñ to koī nahīñ aane vaalā

muntazir kis huuñ TuuTī huī dahlīz pe maiñ

kaun aa.egā yahāñ kaun hai aane vaalā

kyā ḳhabar thī jo mirī jaañ meñ ghulā hai itnā

hai vahī mujh ko sar-e-dār bhī laane vaalā

maiñ ne dekhā hai bahāroñ meñ chaman ko jalte

hai koī ḳhvāb tābīr batāne vaalā

tum takalluf ko bhī iḳhlās samajhte ho ‘Farāz’

dost hotā nahīñ har haath milāne vaalā

  • Article By :
    Real Shayari Ek Koshish hai Duniya ke tamaan shayar ko ek jagah laane ki.

Random Posts

Leave a Reply

Your email address will not be published. Required fields are marked *

*
*