itnā ehsān to ham par vo ḳhudārā karte

apne hāthoñ se jigar chaak hamārā karte

ham ko to dard-e-judā.ī se hī mar jaanā thā

chand roz aur na qātil ko ishāra karte

le ke jaate na agar saath vo yādeñ apnī

yaad karte unheñ aur vaqt guzārā karte

zindagī miltī jo sau baar hameñ duniyā meñ

ham to har baat ise aap pe vaarā karte

‘josh’ dhundlātā na hargiz ye mirā shīsha-e-dil

gard us kī vo agar roz utārā karte

By Real Shayari

Real Shayari Ek Koshish hai Duniya ke tamaan shayar ko ek jagah laane ki.

Leave a Reply

Your email address will not be published. Required fields are marked *