Gar Tujhko Hai Yaqin-E-Ijabat Dua Na Mang

Gar tujh ko hai yaqīn-e-ijābat duā na maañg

Ya.anī baġhair-e-yak-dil-e-be-mudda.ā na maañg

Aatā hai dāġh-e-hasrat-e-dil kā shumār yaad

Mujh se mire gunah kā hisāb ai ḳhudā na maañg

Ai aarzū shahīd-e-vafā ḳhūñ-bahā na maañg

Juz bahr-e-dast-o-bāzu-e-qātil duā na maañg

Barham hai bazm-e-ġhuncha ba-yak-junbish-e-Nashāt

Kāshāna bas-ki tañg hai ġhāfil havā na maañg

Maiñ duur gard-e-arz-e-rusūm-e-niyāz huuñ

Dushman samajh vale nigah-e-āshnā na Maañg

Yak-baḳht auj nazr-e-subuk-bārī-e-‘Asad’

Sar par vabāl-e-sāya-e-bāl-e-humā na maañg

We will be happy to hear your thoughts

Leave a reply