Gam-E-Duniya Se Par Pai Bhi Fursat Sar Uthane Ki

Gham-e-duniyā se gar paa.ī bhī fursat sar uThāne kī

Falak kā dekhnā taqrīb tere yaad aane kī

Khulegā kis tarah mazmūñ mire maktūb kā yā-rab

Qasam khaa.ī hai us kāfir ne kāġhaz ke jalāne kī

LipaTnā parniyāñ meñ shola-e-ātish kā pinhāñ hai

Vale mushkil hai hikmat dil meñ soz-e-ġham chhupāne kī

Unheñ manzūr apne zaḳhmiyoñ kā dekh aanā thā

Uthe the sair-e-gul ko dekhnā shoḳhī bahāne kī

Hamārī sādgī thī iltifāt-e-nāz par marnā

tirā aanā na thā zālim magar tamhīd jaane kī

Lakad kūb-e-havādis kā tahammul kar nahīñ saktī

Mirī tāqat ki zāmin thī butoñ kī naaz uThāne kī

Kahūñ kyā ḳhūbi-e-auzā-e-abnā-e-zamāñ ‘ġhālib’

Badī kī us ne jis se ham ne kī thī bār-hā nekī…

We will be happy to hear your thoughts

Leave a reply