”Aap kī yaad aatī rahī raat bhar”
Chāñdnī dil dukhātī rahī raat bhar
Gaah jaltī huī gaah bujhtī huī
Sham-e-ġham Jhilmilātī rahī raat bhar
Koī ḳhushbū badaltī rahī pairahan
Koī tasvīr gaatī rahī raat bhar
Phir sabā sāya-e-shāḳh-e-gul ke tale
Koī qissa sunātī rahī raat bhar
Jo na aayā use koī Zanjīr-e-dar
Har sadā par bulātī rahī raat bhar
Ek ummīd se dil Bahaltā rahā
Ik tamannā satātī rahī Raat Bhar