Ab Ke Tajdid-E-Wafa Ka Nahin Imkan Janan

Jis ko dekho vahī zanjīr-ba-pā lagtā hai

Shahr kā shahr huā dāḳhil-e-zindāñ jānāñ

Ab tirā zikr bhī shāyad hī ġhazal meñ aa.e

Aur se aur hue dard ke unvāñ jānāñ

Ham ki rūThī huī rut ko bhī manā lete the

Ham ne dekhā hī na thā mausam-e-hijrāñ jānāñ

Hosh aayā to sabhī ḳhvāb the reza reza

Jaise uḌte hue aurāq-e-pareshāñ jānāñ

Leave a Comment

%d bloggers like this: